«Алтыншоқы»

     Сарлық ауылынан Батысқа 18 шақырым жерде орналасқан.
1391 жылы Әмір-Темір (Ақсақ-Темір) Алтын Орданың ханы Тоқтамысқа қарсы соғысуға 200 мың әскерімен шығып, Ұлытауға келіп ат басын тіреген.
     «Мен Тұранның бегі Темір-бек хиржаның 769 қой жылы Ара айының 21 күні Алтын Орда ханы Тоқтамысқа қарсы жорыққа шығып, ұрпаққа белгі қалдырдым. Алла ісімізге жар болсын!» - деп тасқа қашап жаздырып ескерткіш қалдырған. Бұл тасты 1935 жылы Қаныш Сәтбаев Эрмитажға жіберген. Бүгінгі таңда сол Эрмитаждың экспозициясында тұр.
Ақсақтемірдің жорығы Еуразия континентіндегі атаулы оқиға болып, көптеген халықтармен мемлекеттердің тағдырына әсер етті. Бұл жорықтан кейін Алтын Орданы әлсіретіп, ыдырады. Евразия даласында жаңа бірнеше одақтар, хандықтар құрылды: Сібір, Қазан, Астархан, Қырым, Ақ Орда, Көк Орда. Орыс княздары және Шығыс Европа елдері бас көтеріп күшейе бастады.