Жаяу тоғыз облысты жүріп өтті

    31 наурыз күні жолға шыққан 72 жастағы ақсақал Сәрсенбай Қотырашов бүгінгі күні жаяу Қарағанды облысына жетіп, енді Нұр-Сұлтанға жолға шықпақшы. Ол осыған дейін Ұлытау – Қызылорда – Түркістан – Жамбыл – Алматы – Жетісу – Абай – Павлодар облыстарын жаяу жүріп өтті.

    Басты мақсат –  халықты Ұлытау тарихымен таныстыру, қолөнер шеберлерімен кездесіп, тізімін жинақтау және "Көкмайса" этнофестивалін насихаттау.

    Сәрсенбай Оспанұлы алдағы уақытта Нұр-Сұлтан – Көкшетау – Петропавл – Қостанай – Ақтөбе – Орал – Атырау – Ақтау қалаларын жаяу жүріп өтуді жоспарлауда.

    Сәрсенбай ақсақалмен өлкетанушы Бақтияр Қожахметов кейбір өңірлерде жанында бірге жүріп, қолдау көрсетуде.