Көрік

    Көрік — ұста, зергерлердің құралы, түрлі металдарды балқытып, өңдеу үшін қолданатын, оттыққа жел беріп тұратын былғары, тері және ағаштан жасалатын құрал. Көріктің «қос керік», «қол көрік», «мес көрік», «аяқ көрік» деген түрлері бар.  Көріктің көлемі неғұрлым үлкен болса, оның көмейінен оттыққа берілетін ауаның қысымы да соғұрлым жоғары болады.
    Осындай көне көріктердің бірі “Ұлытау” ұлттық тарихи-мәденй және табиғи музей-қорығында сақтаулы. Ұстаның бұл құралын 2006 жылы Жыңғылбаев Әшен есімді Ұлытау ауылының тұрғыны өткізген. Казіргі таңда бұл көрік музей ішіндегі этнографиялық залда көрмеге қойылған.