Есіктегі әріптестермен тәжірибе алмасу

7 қаңтар 2019 жыл

2019 жылдың 5 қаңтары күні «Ұлытау» қорық-мұражайының директоры Бақтияр Қожахметов «Есік» қорық-мұражайына барып қайтты. Мақсат әріптестермен тәжірибе алмасу болатын. Себебі «Есік» қорық-мұражайы көш басында тұрғандардың бірі. Бұл Бақтияр Қожахметовтің аталған қорық-мұражай ашылғаннан бергі төртінші сапары. Бірінші кезекте ұлытаулықтарды Есіктегі әріптестердің ескерткіштерді қорғау және жер телімін кеңейту сонымен қатар, археологтардың халықаралық ынтымақтастығы қызықтырды. «Белгілер: петроглифтерден оюларға дейін» атты жаңа экспозициялық залы ерекеше әсер қалдырғанын атап өту керек. Себебі экспозициялық залдың сапасы жоғары деңгейде.
Өз кезегінде Бақтияр Қожахметов «Ұлытау» қорық-мұражайының халықаралық ынтымақтастық саласындағы жеке тәжірибесімен бөлісіп, «Қазақ жылқышыларының көктемгі жоралғылары» номинациясын ЮНЕСКО-ның тізіміне дайындау тарихы туралы айтып берді.