«Ұлытау. Ұлытау ауданы» энциклопедиясының бас редакторы Ұлытау ауданы және Жезқазған қаласының құрметті азаматы Сағындық Қожамсейітов. Энциклопедияның жауапты хатшысы  «Ұлытау» қорық мұражайының директоры Бақтияр Қожахметов. Сонымен қатар, қорық-мұражай қызметкерлері энциклопедияны  құрастыруға  белсенді ат салысып, қажетті мәліметтерді жинауға барынша қол ұшын беруге тырысты.  Бұл қасиетті Ұлытауға арналған алғашқы  энциклопедия. Онда Ұлытаудың Қазақ мемлекеті мен ұлтын қалыптастыру­дағы орны мен ролі жөнінде баяндалады. Сонымен қатар, өңірдегі бағзы заманнан бүгінге дейінгі тау-кен, метал­лургия өндірісінің жай-күйі, Ұлытау ауданы мен аймағының тарихы, Қазақ елі тәуелсіздік алғаннан бергі жеткен биіктері туралы мақалалар берілген. Бұнымен қоса, онда  «Ұлытау» қорық мұражайы туралы да толыққанды ақпарат табуға болады.Энциклопедияның жарық көруі - өңір өміріндегі елеулі мәдени оқиға.